UAE: டிசம்பர் 21க்குப் பிறகுதான் அதிகாரப்பூர்வமாக குளிர்காலம் தொடங்கும் என்று நிபுணர்கள் கூறியுள்ளனர். இருப்பினும் ஐக்கிய அரபு எமிரேட்ஸின் ஒரு பகுதியில் வெள்ளிக்கிழமை 8.8 டிகிரி செல்சியஸ் பதிவாகியுள்ளது.
தேசிய வானிலை ஆய்வு மையம் (NCM) இன்று காலை 6.45 மணியளவில் அல் ஐனின் ரக்னா பகுதியில் மிகக் குறைந்த வெப்பநிலையைக் கண்டறிந்தது. கடந்த சில நாட்களாக, அல் ஐனின் மற்ற பகுதிகளில் மெர்குரி 10°C முதல் 11°C வரை சுற்றிவருகிறது. டிசம்பர் 5 அன்று, ரக்னா பாலைவனத்தில் 10 டிகிரி செல்சியஸுக்கு கீழே வெப்பநிலை குறைந்தது.
அபுதாபியின் அல் ஐன் பிராந்தியத்தின் ஒரு மூலையில் ரக்னா அமைந்துள்ளது. இது குடியிருப்பாளர்கள் தங்கள் பஃபர் ஜாக்கெட்டுகளை அணிந்துகொண்டு பனியுடன் விளையாடும் இடமாகும்.
கடந்த ஆண்டுகளில் வெப்பநிலை பூஜ்ஜியத்திற்கு கீழ் சரிந்ததால் இந்த பகுதிகளில் புதர்கள் பனிக்கட்டிகளாக உறைந்தன. மேலும் பல நாட்கள் அப்படியே இருந்தன. இந்த ஆண்டும் அதே பனிமூட்டமான அதிசயத்தை இப்பகுதியில் காண்போமா என்பதைப் பொறுத்திருந்துதான் பார்க்க வேண்டும்.
