Saudi Arabia -ரியாத்:
சவுதி அரேபியாவின் கண்காணிப்பு மற்றும் ஊழல் தடுப்பு ஆணையம் (நஜாஹா) நவம்பர் 2023-ல் நடத்திய 2,024 கண்காணிப்பு ஆய்வுகளின் போது ஊழல் சந்தேக நபர்கள் 341 பேர் கண்டறியப்பட்டனர்.
உள்துறை, பாதுகாப்பு, நீதி, சுகாதாரம், கல்வி, நகராட்சி மற்றும் ஊரக விவகாரங்கள் மற்றும் வீட்டுவசதி, சுற்றுச்சூழல், நீர் மற்றும் விவசாயம்போன்ற பல்வேறு அரசாங்க அமைச்சகங்களின் சந்தேக நபர்கள் ஊழல் நடவடிக்கைகளுக்காக விசாரிக்கப்பட்டனர். உரிய நடைமுறையைத் தொடர்ந்து, குற்றவியல் நடைமுறைச் சட்டத்தின் கீழ் 146 சவுதி பிரஜைகள் மற்றும் குடியிருப்பாளர்கள் கைது செய்யப்பட்டதாக நஜாஹா தெரிவித்தது.
கைதான நபர்கள் மீது லஞ்சம், அதிகார துஷ்பிரயோகம், பணமோசடி மற்றும் போலியான குற்றச்சாட்டுகள் சுமத்தப்பட்டுள்ளன. குற்றம் சாட்டப்பட்டவர்களை நீதித்துறைக்கு பரிந்துரைக்கும் வகையில் ஒழுங்குமுறை நடவடிக்கைகள் மேற்கொள்ளப்பட்டு வருகிறது.
