சவுதி அரேபிய உதவி நிறுவனம் KSrelief ஞாயிற்றுக்கிழமை சோமாலியாவில் மொத்தம் SR171.8 மில்லியன் ($45.8 மில்லியன்) செலவில் 24 மனிதாபிமான உதவித் திட்டங்களைத் தொடங்கியது.
.
“நான் இங்கு மொகடிஷுவில் இருப்பதில் மிகவும் மகிழ்ச்சியடைகிறேன். மேலும் சோமாலியா மக்களுக்கு மிகவும் முக்கியமான பகுதிகளில் மிக முக்கியமான திட்டங்களைத் தொடங்குகிறேன்” என்று KSrelief -ன் மேற்பார்வையாளர் ஜெனரல் டாக்டர் அப்துல்லா அல்-ரபீஹ் தெரிவித்தார்.
சுகாதாரம், உணவுப் பாதுகாப்பு, நீர் மற்றும் சுற்றுச்சூழல் சுகாதாரம், தங்குமிடம் பாதுகாப்பு, தன்னார்வத் திட்டங்கள் மற்றும் கல்வி உள்ளிட்ட பல துறைகளை உள்ளடக்கிய திட்டங்களைத் தொடக்கி வைக்கும் விழாவிற்கு அவர் தனது தூதுக்குழுவுடன் ஞாயிற்றுக்கிழமை சோமாலியாவுக்குச் சென்றார். இந்தத் திட்டங்களால் நாடு முழுவதும் கிட்டத்தட்ட 5.8 மில்லியன் மக்கள் பயனடைவார்கள் என்று மதிப்பிடப்பட்டுள்ளது.
சோமாலியா தரப்பில், பிரதமர் ஹம்சா அப்டி பாரே, சுகாதார அமைச்சர் அலி ஹாஜி ஏடன் மற்றும் கல்வி அமைச்சர் ஃபரா ஷேக் அப்துல்காதிர் ஆகியோர் விழாவில் கலந்து கொண்டனர்.
சவுதி தூதர் அஹ்மத் பின் முகமது அல்-மவ்லிட் மற்றும் சோமாலியாவுக்கான ஐ.நா.வின் துணை சிறப்பு பிரதிநிதி ஜார்ஜ் கான்வே ஆகியோரும் கலந்து கொண்டனர்.
பாரே தனது உரையின் போது KSrelief க்கு நன்றி தெரிவித்தார், உடல்நலம், உணவு பாதுகாப்பு மற்றும் உதவி ஆகியவற்றில் இது ஒரு முன்மாதிரி என்று கூறினார்.
விழாவில், மனிதாபிமான உதவித் திட்டங்கள் ஒவ்வொன்றும் பயனாளிகளுக்கு எவ்வாறு உதவுவது என்பது உள்ளிட்டவை குறித்து எடுத்துரைக்கப்பட்டது.
