மழையால் சேதமடைந்த வீடுகளை இலவசமாக பழுது பார்க்கும் வசதியை அறிவித்த டெவலப்பர்கள்
இந்த வாரம் பெய்த மழையால் ஏற்பட்ட பெரும் வெள்ளதால் வாகனங்கள் மற்றும் சொத்துக்களுக்கு சேதம் ஏற்பட்டதை அடுத்து, துபாய் டெவலப்பர்கள் தங்கள் சமூகங்களுக்கு ஆதரவளிக்க முன் வந்துள்ளனர். பாதிக்கப்பட்ட மக்களுக்கு இலவசமாக சீரமைப்பு செய்து தருவதாக உறுதி அளித்தனர்.
தனியார் ரியல் எஸ்டேட் டெவலப்பர் MAG சமீபத்திய கனமழையால் பாதிக்கப்பட்ட வாடிக்கையாளர்களுக்கு உதவ உறுதியளித்துள்ளது. “பாதிக்கப்பட்ட குடியிருப்பாளர்களுக்கு தேவையான அனைத்து பழுது பார்க்கும் செலவுகளையும், அதன் குடியிருப்பு மேம்பாடுகளை நிறுவனம் ஈடுசெய்யும்” என்று MAG ஒரு அறிக்கையில் தெரிவித்துள்ளது.
MAG 214, MAG 218, Emirates Financial Towers, MAG Hotel Apartments, MAG 5 Residences மற்றும் பல திட்டப்பணிகளை டெவலப்பர் நிறைவு செய்தன. Keturah Resort, The Ritz-Carlton Residences, Keturah Reserve Townhouses மற்றும் Keturah Reserve Residences போன்ற முக்கிய திட்டங்கள் நடைபெற்று வருகின்றன.
கனமழையின் போது சேதமடைந்த துபாயில் உள்ள தனது சமூகங்களில் உள்ள அனைத்து சொத்துகளையும் இலவசமாக சரி செய்வதாக எமார் பிராப்பர்டீஸ் வெள்ளிக்கிழமை அறிவித்தது.
“சமீபத்தில் பெய்த மழையால் சேதமடைந்த எங்கள் சமூகங்களுக்குள் உள்ள அனைத்து சொத்துக்களையும் அதன் சொந்த செலவில் எமார் மேற்கொள்ளும், எங்கள் குடியிருப்பாளர்கள் தங்கள் அன்றாட வாழ்க்கையை முடிந்தவரை விரைவாகவும் சுமுகமாகவும் திரும்புவதை உறுதிசெய்யும்” என்று எமாரின் தலைவர் முகமது அலப்பர் கூறினார்.
