பள்ளி பேருந்து நடத்துனர்களுக்கான முதலீட்டு வாய்ப்புகளில், வணிக சமூகத்தின் விளம்பரங்கள் மற்றும் விளம்பர பிரச்சாரங்கள் இப்போது பள்ளி பேருந்துகளில் காண்பிக்கப்படும் என்று துபாயின் சாலை மற்றும் போக்குவரத்து ஆணையம் அறிவித்துள்ளது.
பள்ளிப் பேருந்துகளுக்கு உள்ளேயும் வெளியேயும் விளம்பர இடங்களைப் பயன்படுத்துவதன் மூலம் பள்ளிப் போக்குவரத்து ஆபரேட்டர்களுக்கு கூடுதல் வருவாயை வழங்குவதை இந்த முயற்சி நோக்கமாகக் கொண்டுள்ளது.
இருப்பினும், இந்த விளம்பரங்கள், பள்ளி மாணவர்களின் உரிமைகள் மற்றும் பாதுகாப்பைப் பாதுகாக்கும் வகையில், தயாரிப்புகள் மற்றும் சலுகைகளை சரியான முறையில் விளம்பரப்படுத்துவதை உறுதி செய்ய, கடுமையான தரநிலைகள் மற்றும் தேவைகளுக்கு இணங்க வேண்டும் என்று RTA தெரிவித்துள்ளது
கடைப்பிடிக்க வேண்டிய விளம்பரத் தரங்கள் மற்றும் தேவைகள் குறித்து சாலைகள் மற்றும் போக்குவரத்து ஆணையத்தில் உள்ள பொதுப் போக்குவரத்துக் கழகத்தின் திட்டமிடல் மற்றும் வணிக மேம்பாட்டுத் துறை இயக்குநர் அடெல் ஷக்ரி கூறியதாவது:-
“விளம்பரங்கள் மாணவர்களுக்கு ஏற்றதாகவும், சரியான கொள்கைகள், ஒழுக்கங்களை ஊக்குவிக்கவும் வேண்டும். கவனச் சிதறலைத் தடுக்க டிரைவரின் பின்னால் ஆன்போர்டு விளம்பரத் திரைகள் வைக்கப்பட வேண்டும், மேலும் எந்த விளம்பரங்களும் கதவுகளையோ அல்லது அவசரகால வெளியேற்றங்களையோ தடுக்கக் கூடாது. பேருந்துகளின் வெளிப்புறத்தில் உள்ள விளம்பரங்கள் ‘பள்ளிப் பேருந்து’ பலகையை மறைக்கவோ அல்லது ஓட்டுநரின் பார்வைக்கு இடையூறாகவோ, குறிப்பாக பின்பக்க கண்ணாடியில் வைக்கப்படக் கூடாது” என்று கூறினார்.
