52வது தேசிய தினத்தை முன்னிட்டு பல்வேறு பொழுதுபோக்கு கொண்டாட்டங்களை அறிவித்த குளோபல் வில்லேஜ்!
துபாயின் குளோபல் வில்லேஜ் 52வது ஐக்கிய அரபு எமிரேட்ஸ் தேசிய தினத்தை முன்னிட்டு டிசம்பர் 1 முதல் 3 வரை கலாச்சார நிகழ்ச்சிகள், கருப்பொருள் செயல்பாடுகள் மற்றும் பொழுதுபோக்குகளுடன் கொண்டாட உள்ளது.
தேசிய தினத்தை முன்னிட்டு குளோபல் வில்லேஜ் ஐக்கிய அரபு எமிரேட்ஸ் கொடியின் வண்ணங்களில் அலங்கரிக்கப்படும். பார்வையாளர்கள் பூங்கா முழுவதும் உற்சாகமான பொழுதுபோக்குகளை எதிர்பார்க்கலாம், பிரதான மேடையில் ஓபரெட்டா ‘UAE’s Vision’ உள்ளிட்ட குறிப்பிடத்தக்க நிகழ்ச்சிகள் உள்ளன. டிசம்பர் 1 முதல் 3 வரை UAE-ன் வளமான கலாச்சார பாரம்பரியம் மற்றும் சாதனைகளை பார்க்கலாம்.
டிசம்பர் 1 முதல் 3 வரை பூங்கா முழுவதும் யோலா மற்றும் அய்யாலா (Yola and Ayyala) போன்ற உண்மையான எமிராட்டி கலாச்சார நிகழ்ச்சிகள் நடைபெறும். விருந்தினர்கள் மருதாணி கலையை வழங்கும் பாப்-அப் கியோஸ்க்குகளையும் அனுபவிக்கலாம்.
மேலும், பார்வையாளர்கள் கலீஃபா அறக்கட்டளை மற்றும் ஹம்தான் ஹெரிடேஜ் சென்டர் போன்ற பெவிலியன்களில் இருந்து தனித்துவமான UAE யூனியன் தின நினைவுப் பொருட்களைப் பெறுவதற்கான வாய்ப்பைப் பெறுவார்கள். கூடுதலாக, அவர்கள் குளோபல் வில்லேஜ் முழுவதும் உள்ள பாரம்பரிய உணவகங்களில் உண்மையான உணவு வகைகளை ருசிப்பார்கள், இது குடும்பங்களுக்கும் நண்பர்களுக்கும் சிறந்த இடமாக இருக்கும்.
