காட்டுத் தீக்கு மத்தியில் எச்சரிக்கையுடன் இருக்குமாறு கிரீஸில் உள்ள குடிமக்களுக்கு UAE தூதரகம் அழைப்பு
ஏதென்ஸில் உள்ள ஐக்கிய அரபு எமிரேட்ஸ் மிஷன் கிரீஸ் குடியரசில் உள்ள குடிமக்களுக்கு வடகிழக்கு அட்டிகா மற்றும் அதன் சுற்றுப்புற பகுதிகளில் காட்டுத் தீ காரணமாக எச்சரிக்கையுடன் இருக்குமாறு அழைப்பு விடுத்துள்ளது.
அதிகாரிகளால் வழங்கப்படும் பாதுகாப்பு வழிமுறைகளை பின்பற்ற வேண்டியதன் அவசியத்தையும் மிஷன் வலியுறுத்தியது. அவசரகால சூழ்நிலைகளில், 0097180024 அல்லது 0097180044444 என்ற எண்களைத் தொடர்புகொள்ளவும்.
வெளிநாடுகளில் உள்ள ஐக்கிய அரபு எமிரேட்ஸ் குடிமக்கள் தூதரக சேவைகளை வழங்கும் “Twajudi” சேவையில் பதிவு செய்யலாம்.
கிரீஸில் ஏற்பட்ட காட்டுத் தீ காரணமாக ஆயிரக்கணக்கான மக்கள் வீடுகளை விட்டு வெளியேறியுள்ளனர் . வடக்கு ஏதென்ஸில் உள்ள ஒலிம்பிக் மைதானத்தையும், தப்பியோடியவர்களை தங்க வைப்பதற்காக மற்ற மைதானங்களையும் அதிகாரிகள் திறந்தனர். மூன்று பெரிய மருத்துவமனைகள் தயார் நிலையில் வைக்கப்பட்டுள்ளன.
இந்நிலையில், ஒரு தீயணைப்பு வீரர் கடுமையான தீக்காயங்களுக்கு ஆளானார், மற்றொருவர் மூச்சுத் திணறலால் மருத்துவமனையில் அனுமதிக்கப்பட்டார், மேலும் 13 பேர் லேசான சுவாசக் கோளாறுகளுக்கு சிகிச்சை பெற்றனர்.
