Gaza:
காசாவில் இஸ்ரேலியப் படைகளுக்கும் ஹமாஸுக்கும் இடையிலான சண்டை தீவிரமடைந்து வருகிறது. இந்நிலையில், அக்டோபர் 2023-ல் போர் தொடங்கியதில் இருந்து முற்றுகையிடப்பட்ட பகுதியில் கொல்லப்பட்டவர்களின் எண்ணிக்கை 22,438 ஆக அதிகரித்துள்ளது என்று பாலஸ்தீன சுகாதார அமைச்சகம் தெரிவித்துள்ளது.
இறந்தவர்களின் ஒட்டுமொத்த எண்ணிக்கையில் 70 சதவீதம் பேர் குழந்தைகள் மற்றும் பெண்கள் என்று கூறப்படுகிறது.
கடந்த 24 மணி நேரத்தில், குறைந்தது 125 பாலஸ்தீனியர்கள் கொல்லப்பட்டனர், மேலும் 318 பேர் காயமடைந்துள்ளனர். இதுவரை காயமடைந்தவர்களின் எண்ணிக்கை 57,614 ஆக உயர்ந்துள்ளது.
2023 ஆம் ஆண்டின் இறுதியில், 1.9 மில்லியன் மக்கள் அதாவது காசாவின் மொத்த மக்கள்தொகையில் கிட்டத்தட்ட 85 சதவீதம் பேர், பொங்கி எழும் போரின் காரணமாக உள்நாட்டில் இடம்பெயர்ந்துள்ளதாக மதிப்பிடப்பட்டுள்ளது.
மேற்குக் கரையில், வெள்ளிக்கிழமை நிலவரப்படி இறந்தவர்களின் எண்ணிக்கை 80 குழந்தைகள் உட்பட 314 ஆக அதிகரித்துள்ளது என்று அதிகாரிகள் தெரிவிக்கின்றனர்.
