ஜூன் 1 முதல் ஒருமுறை மட்டுமே பயன்படுத்தப்படும் ஸ்டைரோஃபோம் தயாரிப்புகளுக்கு தடை

அபுதாபியில் ஜூன் 1 முதல் ஒருமுறை மட்டுமே பயன்படுத்தப்படும் ஸ்டைரோஃபோம் தயாரிப்புகளுக்கு தடை விதிக்கப்பட்டுள்ளது.

ஜூன் 1 முதல் அபுதாபியில் ஒற்றைப் பயன்பாட்டு ஸ்டைரோஃபோம் தயாரிப்புகளுக்குத் தடை விதிக்கப்படும் என்று சுற்றுச்சூழல் நிறுவனம் மற்றும் அபுதாபி பொருளாதார மேம்பாட்டுத் துறை அறிவித்துள்ளது.

கப்கள், மூடிகள், தட்டுகள், குளிர்பானக் கொள்கலன்கள் மற்றும் உடனடி நுகர்வுக்கான உணவுப் பாத்திரங்களுக்கு இந்தத் தடை பொருந்தும்.

இந்தத் தடையிலிருந்து விலக்கு அளிக்கப்பட்ட பொருட்களில் பின்வருவன அடங்கும்:

1) மீண்டும் பயன்படுத்தக்கூடிய சேமிப்பு பெட்டிகள்
2) குளிரூட்டிகள்
3) மருத்துவ பயன்பாட்டிற்கான பொருட்கள்

ஒற்றை-பயன்பாட்டு ஸ்டைரோஃபோமைத் தடை செய்வதற்கான முயற்சியானது அபுதாபி ஒற்றை-பயன்பாட்டு பிளாஸ்டிக் கொள்கையின் நீட்டிப்பாகும், மேலும் இது நிலைத்தன்மையின் ஆண்டின் நோக்கங்களை ஆதரிக்கிறது.

அபுதாபி ஒருமுறை பயன்படுத்தும் பிளாஸ்டிக் கொள்கை மே 2020 ல் தொடங்கப்பட்டது. இந்தக் கொள்கையின் படி, அனைத்து சில்லறை விற்பனையாளர்களிடமும் ஒருமுறை மட்டுமே பயன்படுத்தக்கூடிய பிளாஸ்டிக் பைகள் விற்பனைக்கான தடை ஜூன் 1, 2022 முதல் நடைமுறைக்கு வந்தது, இதனால் இந்த பைகள் பயன்பாட்டில் 95% வீழ்ச்சி ஏற்பட்டது.

2024 ஆம் ஆண்டு முதல் ஐக்கிய அரபு எமிரேட்ஸில் இருந்து ஒருமுறை மட்டுமே பயன்படுத்தும் பிளாஸ்டிக்கை தடை செய்வது குறித்து ஜனவரி 2023 ல் மத்திய அரசு அறிவித்ததை அடுத்து இந்தத் தடைகள் வந்துள்ளன.