பயணிகளின் பாதுகாப்பை உறுதி செய்வதற்காக இன்று முதல் மெட்ரோ மற்றும் டிராமுக்குள் இ-ஸ்கூட்டர்களுக்கு தடை விதிப்பதாக துபாய் அறிவித்துள்ளது.
இது தொடர்பாக வெளியான ஒரு ட்வீட்டில், சாலைகள் மற்றும் போக்குவரத்து ஆணையம் (RTA) கூறியதாவது:- “உங்கள் மற்றும் மற்றவர்களின் பாதுகாப்பை உறுதிசெய்ய, துபாய் மெட்ரோ மற்றும் துபாய் டிராமுக்குள் இ-ஸ்கூட்டர்களைப் பயன்படுத்துவது மார்ச் 1 வெள்ளிக்கிழமை முதல் தடைசெய்யப்படும்.” என்று கூறியது. மேலும், #YourSafetyOurPriority என்ற ஹேஷ்டேக்கைப் பயன்படுத்தியது.
முன்னதாக வியாழக்கிழமை, சைக்கிள்கள் மற்றும் மின்சார ஸ்கூட்டர்களைப் பயன்படுத்துபவர்களின் மீறல்களைக் கண்டறியும் ஒரு ரோபோவை அதிகாரிகள் அறிமுகப்படுத்தினர்.
ஏப்ரல் 2022 முதல் 63,500 இ-ஸ்கூட்டர் அனுமதிகள் வழங்கப்பட்ட நிலையில், சமீபத்திய ஆண்டுகளில் இ-ஸ்கூட்டர்கள் பெருகிய முறையில் பிரபலமான போக்குவரத்து முறையாக மாறியுள்ளன .
