உலக சுகாதார அமைப்பு மற்றும் அமெரிக்க சுகாதார அதிகாரிகள் வெள்ளிக்கிழமை கோவிட்-19 இன் புதிய மாறுபாட்டை உன்னிப்பாகக் கண்காணித்து வருவதாக தெரிவித்துள்னர். இருப்பினும் BA.2.86 இன் பாதிப்பு எவ்வாறு இருக்கும் என்பது தெரியவில்லை. இதுவரை, இந்த மாறுபாடு இஸ்ரேல், டென்மார்க் மற்றும் அமெரிக்காவில் மட்டுமே கண்டறியப்பட்டுள்ளது.
முன்னர் ட்விட்டர் என அழைக்கப்பட்ட X சமூக தளத்தில் வெளியான ஒரு செய்தியில், அமெரிக்க நோய் கட்டுப்பாடு மையங்கள் (CDC) இந்த மாறுபாட்டை உன்னிப்பாகக் கண்காணித்து வருவதாக உறுதிப்படுத்தியது.
WHO அறிக்கையின்படி, ஜூலை 17 முதல் ஆகஸ்ட் 13 வரையிலான கடைசி அறிக்கையிடல் காலத்தில், 1.4 மில்லியனுக்கும் அதிகமான புதிய கோவிட்-19 பாதிப்புகள் கண்டறியப்பட்டன மற்றும் 2,300 க்கும் மேற்பட்ட இறப்புகள் பதிவாகியுள்ளன.
ஆகஸ்ட் 13 நிலவரப்படி, உலகளவில் 769 மில்லியனுக்கும் அதிகமான கோவிட்-19 பாதிப்புகள் உறுதிப்படுத்தப்பட்டுள்ளன மற்றும் 6.9 மில்லியனுக்கும் அதிகமான இறப்புகள் உலகளவில் உள்ளன, இருப்பினும் பல பாதிப்புகள் கண்டறியப்படாததால், குறிப்பாக பலவீனமான சுகாதார உள்கட்டமைப்பு கொண்ட வளரும் நாடுகளில் உண்மையான எண்ணிக்கை மிக அதிகமாக இருக்கும் என்று எதிர்பார்க்கப்படுகிறது.
