துபாய் காவல்துறையின் இளைய மற்றும் இளைஞர் வாட்டர் பைக்கிங் அணிகள் ஒரு வருடத்தில் 60 பதக்கங்களைப் பெற்றுள்ளன!
துபாய் காவல்துறையின் ஜூனியர் மற்றும் யூத் வாட்டர் பைக்கிங் அணிகள் ஏறக்குறைய ஒரு வருடத்திற்கு முன்பு உருவாக்கப்பட்டதிலிருந்து 60 தங்கம், வெள்ளி மற்றும் வெண்கலப் பதக்கங்களைப் பெற்றுள்ளன.
குற்றப் புலனாய்வு விவகாரங்களுக்கான உதவித் தலைமைத் தளபதி மேஜர் ஜெனரல் கலீல் இப்ராஹிம் அல் மன்சூரி, உள்ளூர் மற்றும் சர்வதேச விளையாட்டுப் போட்டிகளில் இளம் விளையாட்டு வீரர்களின் சாதனைகளைப் பாராட்டி, விளையாட்டுத் துறையில் துபாய் காவல்துறையின் நற்பெயரை உயர்த்தி, ஊக்குவிப்பதில் படையின் உறுதிப்பாட்டை வலியுறுத்தினார்.
துறைமுக போலீஸ் நிலையத்தின் பணிப்யாளர் பிரிகேடியர் கலாநிதி ஹசன் சுஹைல் அல் சுவைடி கூறுகையில், இளைய அணியில் 9 முதல் 15 வயதுக்குட்பட்ட ஆறு இளைஞர்கள் உள்ளனர். இளைஞர் அணியில் 16 முதல் 21 வயதுக்குட்பட்ட நான்கு பேர் உள்ளனர்.
“சமூக மகிழ்ச்சிக்கான பொதுத் துறையில் துறைமுக காவல் நிலையம் மற்றும் விளையாட்டு விவகாரத் துறையின் ஆதரவுடன், சர்வதேச ஐக்கிய அரபு எமிரேட்ஸ் வாட்டர் பைக்கிங் சாம்பியன்ஷிப், சர்வதேச குவைத் வாட்டர் பைக்கிங் சாம்பியன்ஷிப், குளோபல் போலந்து வாட்டர் பைக்கிங் சாம்பியன்ஷிப், உள்ளிட்ட பல சாம்பியன்ஷிப் போட்டிகளில் அணிகள் முதல் இடங்களைப் பிடித்துள்ளன” என்று அவர் கூறினார்.
துபாய் காவல்துறையின் தலைமைத் தளபதி லெப்டினன்ட் ஜெனரல் அப்துல்லா கலீஃபா அல் மரி, அணிகளுக்கு தொடர்ந்து ஆதரவளித்ததற்காக அல் சுவைடி நன்றி தெரிவித்தார்.
