ஷார்ஜாவில் உள்ள அல் மம்சார் கடற்கரையில் செவ்வாய்க்கிழமை மாலை இரண்டு ஜெட் ஸ்கைஸ் மோதியதில் ஒரு இளம் பெண் இறந்தார் மற்றும் அவரது சகோதரர் பலத்த காயமடைந்தார்.
விபத்து குறித்து ஷார்ஜா போலீஸ் செயல்பாட்டு அறைக்கு மாலை 6:30 மணிக்கு தகவல் கிடைத்தது. உடனடியாக ரோந்து போலீசார் மற்றும் தேசிய ஆம்புலன்ஸ் குழுவினர் சம்பவ இடத்திற்கு விரைந்தனர்.
19 வயது சிறுமி மற்றும் அவரது 20 வயது சகோதரர் இருந்த முதல் ஜெட் ஸ்கை, மற்றொரு சகோதரர் ஓட்டிய ஜெட் ஸ்கையை மோதியது.
சிறுமி உடனடியாக உயிரிழந்தார். 20 வயது சகோதரர் பலத்த காயம் அடைந்து குவைத் மருத்துவமனைக்கு கொண்டு செல்லப்பட்டார்.
இந்த சம்பவம் தொடர்பாக புஹைரா போலீ ஸார் விசாரணைகளை ஆரம்பித்துள்ளனர். ஜெட் ஸ்கை வாடகைக் கடையின் உரிமையாளரை போலீசார் வரவழைத்து, சட்ட நடைமுறைகளை முடித்தனர்.
அதேவேளை விபத்தை ஏற்படுத்திய சகோதரருக்கு காயம் ஏற்படவில்லை. அவர் பொது வழக்கறிஞரால் விடுவிக்கப்பட்டார், ஆனால் பின்னர் விசாரணைக்கு அழைக்கப்படுவார்.