செப்டம்பர் 1 ஆம் தேதி ஞாயிற்றுக்கிழமை தொடங்கும் இரண்டு மாத பொது மன்னிப்புக் காலத்தைப் பயன்படுத்துபவர்களுக்கு எதிராக எந்த தடையும் விதிக்கப்படாது, அபராதமும் விதிக்கப்படாது என்று அடையாளம், குடியுரிமை, சுங்கம் மற்றும் துறைமுக பாதுகாப்புக்கான பெடரல் ஆணையம் (ICP) தெரிவித்துள்ளது.
பொது மன்னிப்பு திட்டமானது சுற்றுலா மற்றும் காலாவதியான குடியிருப்பு விசாக்கள் உட்பட அனைத்து வகையான விசாக்களையும் உள்ளடக்கியது என்றும் ICP தெளிவுபடுத்தியுள்ளது. எந்த ஆவணங்களும் இல்லாமல் பிறந்தவர்களும் பொது மன்னிப்பைப் பயன்படுத்தி தங்கள் நிலையை சரிசெய்யலாம்.
“ஐக்கிய அரபு எமிரேட்ஸில் சட்டவிரோதமாக தங்கியிருப்பவர்கள் தங்களுடைய வதிவிட நிலையை முறைப்படுத்தவோ அல்லது அபராதம் இன்றி நாட்டை விட்டு வெளியேறவோ இது சிறந்த வாய்ப்பாகும். நாட்டை விட்டு வெளியேற விரும்புபவர்கள் எந்த நேரத்திலும் உரிமையுடன் திரும்பலாம். அதிக காலம் தங்கியிருக்கும் அபராதம் அல்லது வெளியேறும் கட்டணம் வசூலிக்கப்படாது” என்று ICP கூறியது.