இந்தியாவின் 78வது சுதந்திர தினத்தை முன்னிட்டு, இந்திய தலைவர்கள் மற்றும் மக்களுக்கு ஐக்கிய அரபு அமீரகத்தின் தலைவர்கள் வாழ்த்து தெரிவித்துள்ளனர்.
ஐக்கிய அரபு எமிரேட்ஸ் அதிபர் ஷேக் முகமது பின் சயீத் அல் நஹ்யான், இந்திய ஜனாதிபதி திரௌபதி முர்முவுக்கு வாழ்த்துச் செய்தி அனுப்பியுள்ளார்.
ஐக்கிய அரபு எமிரேட்ஸின் துணைத் தலைவரும் பிரதமரும், துபாய் ஆட்சியாளருமான ஷேக் முகமது பின் ரஷித் அல் மக்தூம், துணைப் பிரதமரும் ஜனாதிபதி நீதிமன்றத்தின் தலைவருமான ஷேக் மன்சூர் பின் சயீத் அல் நஹ்யான் ஆகியோரும் இந்திய ஜனாதிபதிக்கும் பிரதமருக்கும் வாழ்த்து செய்திகளை அனுப்பியுள்ளனர்.
ஷேக் முகமது X-ல் வெளியிட்டபதிவில், “இன்று, இந்தியா தனது 78வது சுதந்திர தினத்தை பெருமையுடன் கொண்டாடுகிறது, இது தேசத்தின் நம்பமுடியாத வளர்ச்சி பயணத்திற்கு சான்றாகும். இந்த குறிப்பிடத்தக்க மைல்கல்லை நாம் கொண்டாடும் போது, எனது நண்பர் நரேந்திர மோடி, இந்திய பிரதமர் மற்றும் இந்திய மக்களுக்கு எனது மனமார்ந்த வாழ்த்துக்களை தெரிவித்துக் கொள்கிறேன். ஐக்கிய அரபு எமிரேட்ஸ் எங்கள் நட்பை வலுப்படுத்துவதற்கும், எங்கள் இருதரப்பு ஒத்துழைப்பை மேம்படுத்துவதற்கும், எங்கள் நீடித்த கூட்டாண்மையின் அனைத்து அம்சங்களிலும் வலுவான பிணைப்புகளை வளர்ப்பதற்கும் அர்ப்பணிப்புடன் உள்ளது. எங்கள் இந்திய நண்பர்களுக்கு மகிழ்ச்சியான சுதந்திர தின வாழ்த்துக்கள்” என்று ஆட்சியாளர் மேலும் கூறினார்.