ரியாத்
சவுதி அரேபிய வெளியுறவு அமைச்சர் இளவரசர் பைசல் பின் ஃபர்ஹான் மற்றும் ஓமானி பிரதிநிதி சயீத் பத்ர் அல்-புசைதி ஆகியோர் மஸ்கட்டில் திங்கள்கிழமை நடைபெற்ற சவுதி-ஓமானி ஒருங்கிணைப்பு கவுன்சிலின் தொடக்க கூட்டத்திற்கு தலைமை தாங்கினர்.
இருதரப்பு உறவை மேம்படுத்த இரு நாடுகளின் தலைமைகளின் முயற்சிகளை எடுத்துரைத்த இளவரசர் பைசல், “ஒருங்கிணைப்புக் குழுவின் உருவாக்கம் எங்களது பகிரப்பட்ட பார்வைக்கு ஒரு சான்றாகும். இது பரஸ்பர நன்மைகள் மற்றும் நலன்களை அதிகரிக்கும் குறிக்கோளுடன் எங்கள் கூட்டு திறனைப் பயன்படுத்தும் ஒரு தளமாகும்” என்று கூறினார்.
இருதரப்பு, பிராந்திய மற்றும் சர்வதேச விவகாரங்களில் தொடர்ச்சியான ஒருங்கிணைப்பு மற்றும் பரஸ்பர ஆர்வமுள்ள பகுதிகளில் மேம்படுத்தப்பட்ட அரசியல் ஆலோசனையின் முக்கியத்துவத்தையும் அவர் வலியுறுத்தினார்.
சவுதி அரேபியா ஓமானின் மூன்றாவது பெரிய வர்த்தக பங்காளியாகவும், ஓமானி ஏற்றுமதிக்கான இரண்டாவது பெரிய இடமாகவும் உள்ளது. இருதரப்பு வர்த்தகத்தின் மொத்த மதிப்பு கடந்த ஆண்டில் 245 சதவீதம் அதிகரித்து, கடந்த ஐந்து ஆண்டுகளில் கிட்டத்தட்ட $22 பில்லியன் மதிப்பை எட்டியுள்ளது.
திங்களன்று நடந்த கூட்டத்தின் போது, பங்கேற்பாளர்கள், ஒருங்கிணைப்பு கவுன்சில் மற்றும் அதன் துணைக்குழுக்கள், பாதுகாப்பு, பொருளாதாரம் மற்றும் முதலீட்டு விஷயங்கள் குறித்து எடுத்துரைத்தனர். மேலும், பயங்கரவாதத்தை எதிர்த்துப் போராடுதல், நீர்வழிப் பாதைகளைப் பாதுகாத்தல்,புதுப்பிக்கத்தக்க மற்றும் தூய்மையான எரிசக்தி முயற்சிகளை மேம்படுத்துதல் ஆகியவை முக்கிய முன்னுரிமைகளாக காணப்பட்டது.
இந்நிலையில், கவுன்சிலின் இரண்டாவது கூட்டத்தை ராஜ்யம் நடத்துவதை எதிர்பார்த்திருப்பதாக இளவரசர் பைசல் கூறினார், ஆனால் அதற்கான தேதி இன்னும் நிர்ணயிக்கப்படவில்லை.