Saudi Arabia:
சவுதி அரேபியாவில் (KSA) மொத்தம் 45.8 சதவீத ஊழியர்கள் 2023-ல் வாரத்திற்கு 40 மணி நேரத்திற்கும் மேலாக வேலை செய்துள்ளனர்.
புள்ளிவிவரங்களுக்கான பொது ஆணையம் (GASTAT) வெளியிட்ட புதிய அறிக்கையின்படி , சுமார் 39.6 சதவீத ஊழியர்கள் வாரத்திற்கு சராசரியாக 40 மணிநேரம் வேலை செய்கிறார்கள். 2023 ஆம் ஆண்டில், சவுதி அரேபியாவில் ஆண் ஊழியர்கள் சராசரியாக 8.1 மணிநேரமும், பெண்கள் சராசரியாக எட்டு மணிநேரமும் வேலை செய்தனர்.
46 சதவீத ஊழியர்கள் பணியிடத்தில் சுகாதாரம் மற்றும் பாதுகாப்பு நடைமுறைகள் குறித்து பயிற்சி பெற்றுள்ளனர், அதே நேரத்தில் 48.7 சதவீதம் பேர் பிரத்யேக சுகாதார மற்றும் பாதுகாப்பு துறையைக் கொண்டுள்ளனர்.
ஊழியர்கள் எதிர்கொள்ளும் மிகவும் பொதுவான அபாயங்கள்:-
- 28.21 சதவிகிதம் பேர் நீண்ட நேரம் நின்று கொண்டு வேலை செய்கின்றனர். (ஒரு நாளைக்கு குறைந்தது நான்கு மணிநேரம்)
- 28.15 சதவிகிதம் பேர் அலுவலக நாற்காலியில் தொடர்ந்து மூன்று மணி நேரத்திற்கும் மேலாக அமர்ந்திருந்து பணிபுரிகின்றனர்.
- 7.8 சதவீத ஊழியர்கள் நேரடியாகவோ அல்லது மறைமுகமாகவோ இரசாயனங்கள், மருத்துவக் கழிவுகள், கதிரியக்கப் பொருட்கள் அல்லது நச்சு வாயுக்களைக் கையாள்வதில் ஈடுபட்டுள்ளனர்.
- 6.3 சதவீத நபர்கள் மின்சார ஆபத்துகள், இயந்திரங்களைக் கையாளுதல் அல்லது நீரில் மூழ்குதல் போன்ற அபாயங்களை எதிர்கொள்கின்றனர்.
அறிக்கையின்படி, 89.7 சதவீத ஊழியர்களுக்கு அடிப்படை சுகாதாரப் பாதுகாப்பு உள்ளது. வேலை தொடர்பான மன அழுத்தம் கடந்த ஆண்டில் மிகவும் பொதுவான வேலை தொடர்பான உடல்நலப் பிரச்சினையாக உள்ளது, 3.2 சதவீத ஊழியர்கள் அதை அனுபவிக்கின்றனர், அதே சமயம் 83.5 சதவீதம் பேர் உடல்நலப் பிரச்சினைகளை அனுபவிக்கவில்லை.