பாலஸ்தீன மக்களுக்கு ஆதரவளிக்கும் அதே வேளையில், பள்ளி சமூகத்தையும் ஒன்றிணைக்கும் வகையில், கத்தார் அறக்கட்டளை பள்ளியில் மாணவர்களால் இயக்கப்படும் முயற்சியானது, ஒரு மாற்றத்தை ஏற்படுத்துவதற்கான தொண்டு மற்றும் அர்ப்பணிப்பின் முக்கியத்துவத்தை வலியுறுத்துகிறது.
‘Falcon Fest’ என்பது QF ன் பல்கலைக்கழகத்திற்கு முந்தைய கல்வியின் ஒரு பகுதியான கத்தார் அகாடமி தோஹாவில் (QAD) மாணவர்கள், ஆசிரியர்களால் ஏற்பாடு செய்யப்பட்ட ஒரு நிகழ்வாகும். .
“எங்கள் நிகழ்வின் முதன்மை நோக்கம் பாலஸ்தீனத்திற்காக நிதி சேகரிப்பதாகும், பாதிக்கப்பட்டவர்களுடன் நமது ஒற்றுமையை நிரூபிப்பதாகும். மேலும், இந்த நிகழ்வின் மூலம் நாங்கள் அவர்களுக்கு எங்கள் உறுதியான ஆதரவை வெளிப்படுத்தியுள்ளோம், மேலும் எங்கள் முயற்சிகளில் முதன்மையாக உணவு, தங்குமிடம் மற்றும் மருத்துவ உதவி வழங்குவதில் கவனம் செலுத்துகிறோம்.” என்று QAD-ல் உள்ள 16 வயது மாணவி அலியா அல் தானி கூறினார்.
“நன்கொடைகளை சேகரிப்பதற்கு அப்பால், எங்கள் லட்சியம் பள்ளியின் சமூகத்தை-மாணவர்கள், ஆசிரியர்கள் மற்றும் பணியாளர்களை வகுப்பறைக்கு வெளியே ஒரு நாள் மகிழ்ச்சிக்காக ஒன்றிணைத்து, ஒற்றுமை உணர்வை வளர்ப்பதாகும். இந்த முயற்சி எங்கள் பள்ளியில் மட்டும் நின்றுவிடவில்லை, இது QF-ல் உள்ள அனைத்து பள்ளிகளையும் உள்ளடக்கியது. இந்த திட்டம் மாணவர்களின் நிறுவன திறன்களை மேம்படுத்தியுள்ளது என்று அல் தானி விளக்கினார்.
QAD-ல் உள்ள 16 வயது மாணவரான ஹமத் அப்துல்லா அல் நுஐமி, சமூகப் பிணைப்புகளை மேம்படுத்துவது, மாணவர்களின் வளர்ச்சியை மேம்படுத்துவது மற்றும் வகுப்பறை அமைப்பைத் தாண்டி அவர்களின் கல்வி அனுபவங்கள் முழுவதும் செயலில் பங்கேற்பு மற்றும் பொறுப்பை ஊக்குவிப்பது ஆகியவை நிகழ்வின் நோக்கம் என்பதை எடுத்துரைத்தார்.
QAD உள்ள 16 வயது மாணவி நூரா அல் தானி, பால்கன் ஃபெஸ்ட் போன்ற நிகழ்வுகள் பள்ளி சமூகத்திற்குள் மாணவர்களின் உணர்வை கணிசமாக மேம்படுத்துவதாக கூறினார்.