பாலஸ்தீன மக்களுக்கு எதிரான இஸ்ரேலின் “ஆக்கிரமிப்பை” தடுக்க சர்வதேச முயற்சிகளை முடுக்கிவிடுமாறு பாலஸ்தீன அதிபர் மஹ்மூத் அப்பாஸ் ஐ.நா பொதுச்செயலாளர் அன்டோனியோ குட்டெரஸை வலியுறுத்தியுள்ளார்.
ஞாயிற்றுக்கிழமை ரமல்லாவில் உள்ள ஜனாதிபதித் தலைமையகத்தில் மத்திய கிழக்கு அமைதி செயல்முறைக்கான ஐ.நா. சிறப்பு ஒருங்கிணைப்பாளர் டோர் வென்னஸ்லாந்துடன் நடந்த சந்திப்பின் போது அப்பாஸ் இதனைத் தெரிவித்தார்.
குட்டெரெஸ் தனது தனிப்பட்ட முயற்சிகளைத் தொடரவும் மற்றும் சர்வதேச முயற்சிகளை தீவிரப்படுத்தவும் அப்பாஸ் அழைப்பு விடுத்தார், “முழு காசா பகுதியிலிருந்தும் இஸ்ரேலிய ஆக்கிரமிப்புப் படைகளை திரும்பப் பெறுவதற்கும் அதன் நிலத்தின் எந்த ஒரு அங்குலத்தையும் அபகரிக்க வேண்டாம்” என்று அவர் கேட்டுக்கொண்டுள்ளார்.
பாலஸ்தீனியர்களுக்கான மனிதாபிமான உதவிகள், நிவாரணப் பொருட்கள் மற்றும் தங்குமிடம் அதிகரிப்பதை உறுதி செய்ய வேண்டியதன் அவசியத்தையும் அப்பாஸ் அடிக்கோடிட்டுக் காட்டினார்.
பாலஸ்தீனியர்கள் இடம்பெயர்வதைத் தடுப்பதன் முக்கியத்துவத்தையும், “ஆக்கிரமிப்புப் படைகள் மற்றும் குடியேற்றக்காரர்களின்” அனைத்துத் தாக்குதல்களையும் நிறுத்துவதன் முக்கியத்துவத்தையும் அவர் வலியுறுத்தினார்.
பாதுகாப்பு கவுன்சிலின் முடிவு மற்றும் பாலஸ்தீனத்திலிருந்து இஸ்ரேலியர்கள் வெளியேறுவதை உறுதிசெய்ய சர்வதேச அமைதி மாநாட்டை நடத்துவதன் மூலம் ஐக்கிய நாடுகள் சபையில் பாலஸ்தீன அரசுக்கு முழு உறுப்பினர் பதவியை அடைவது முக்கியம் என்று அப்பாஸ் கூறினார்.