ஐக்கிய அரபு எமிரேட்ஸில் உள்ள தொழில் வல்லுநர்கள் சவுதி அரேபியாவிற்கு புனிதப் பயணத்தைத் தொடங்கும் குடியிருப்பாளர்களை ரியாசுல் ஜன்னாவில் உம்ரா சடங்குகள் மற்றும் பிரார்த்தனைகளுக்கான சந்திப்புகளை எளிதாக்கும் நுசுக் செயலியில் பதிவு செய்யுமாறு கேட்டுக்கொண்டுள்ளனர்.
சவுதி அரேபியாவின் குடிவரவு மற்றும் இ-விசா போர்ட்டலின் இணையதளத்தில், “உம்ரா அனுமதி பெறுவதற்கு நுசுக் செயலி அவசியம்” என்று குறிப்பிடபட்டுள்ளது.
“உம்ரா அனுமதி கோருதல், உம்ராவுக்கான சந்திப்பைத் திட்டமிடுதல், உம்ரா மற்றும் ஹஜ் யாத்திரைகள் பற்றிய விவரங்களை அணுகுதல் போன்ற உம்ரா யாத்திரைக்கு தேவையான முழு சேவைகள் மற்றும் தகவல்களை இந்த செயலி வழங்குகிறது.”
நுசுக் செயலி யாத்ரீகர்களை சடங்குகளுக்கான சந்திப்புகளை திட்டமிட அனுமதிக்கிறது என்று தொழில் வல்லுநர்கள் தெரிவித்தனர். “புனிதமான மக்காவில் தவாஃப் செய்ய நுசுக் ஆப்பில் பதிவு செய்வது அவசியம். கூட்டம் அதிகமாக இருக்க வாய்ப்புள்ளதால் ஐக்கிய அரபு எமிரேட்ஸில் இருந்து புறப்படுவதற்கு முன் சந்திப்புகளைப் பெற வல்லுநர்கள் பரிந்துரைக்கின்றனர்.
சவுதி அரேபியாவிற்கு விமான டிக்கெட்டை முன்பதிவு செய்யும் போது கருத்தில் கொள்ள வேண்டிய ஒரு முக்கியமான அம்சம், உம்ரா விசாவுடன் மட்டுமே பயணிகளை அனுமதிக்கும் விமானங்களைச் சரிபார்க்க வேண்டும்.
“துபாய், ஷார்ஜா மற்றும் அபுதாபியிலிருந்து பல விமானங்கள் திட்டமிடப்பட்டுள்ளன. இருப்பினும், சில விமானங்கள் உம்ரா விசாவுடன் மட்டுமே பயணிகளை அனுமதிக்கிறது. சவுதி அரேபியாவிற்கு பல நுழைவு விசாக்களை வைத்திருப்பவர்கள் இந்த பிரத்யேக உம்ரா விமானங்களில் பயணிக்க அனுமதிக்கப்படுவதில்லை. யாத்திரைக்கான விமானத்தை முன்பதிவு செய்ய பயண முகவர்களைத் தொடர்புகொள்வது சிறந்தது” என்று வல்லுநர்கள் தெரிவித்தனர்.