New Year 2024: வரவிருக்கும் புத்தாண்டு ஈவ் கொண்டாட்டத்திற்கு எங்கு செல்ல வேண்டும் என்று முடிவு செய்யாதவர்கள் ராஸ் அல் கைமா-வை தேர்ந்தெடுக்கலாம். கடந்த ஐந்தாண்டுகளாக ஒவ்வொரு ஆண்டும் கின்னஸ் உலக சாதனைகளை முறியடிக்கும் வகையில் நிகழ்வுகள் நடைபெற்று வருகிறது. இந்த ஆண்டு கண்கவர் பட்டாசுகள், இதுவரை செய்யப்படாத புதிய நடனக் கூறுகள் மற்றும் பல்வேறு நுட்பங்கள் உங்களை மகிழ்விக்க காத்துக்கொண்டிருகிறது.
குடியிருப்பாளர்களும் பார்வையாளர்களும் பட்டாசுகளைக் காணக்கூடிய இரண்டு நிகழ்வுகள் உள்ளன. ஒன்று, இலவச பொது நிகழ்வு. இது DJ பொழுதுபோக்கு, குழந்தைகளின் செயல்பாடுகள், உணவு டிரக்குகளுடன் தனி நபர் மற்றும் குடும்பங்களுக்கான ஒரு பகுதியை வழங்கும்.
இரண்டாவது சவுண்ட்ஃபெஸ்ட் என்று அழைக்கப்படும் ஒரு தனியார் டிக்கெட் நிகழ்வு. இதில் சர்வதேச கலைஞர்கள் நிகழ்ச்சிகள், குழந்தைகள் பகுதி மற்றும் பல்வேறு உணவு விருப்பங்கள் இருக்கும்.
டிசம்பர் 31 அன்று கொண்டாட்டங்களுக்கு முன்னதாக, குடியிருப்பாளர்களும் சுற்றுலாப் பயணிகளும் பல வேடிக்கையான கொண்டாட்டங்களை அனுபவிக்க முடியும், இதில் மரம் விளக்கு விழாக்கள், கிறிஸ்துமஸ் நிகழ்வுகள் மற்றும் அமீரகத்தின் பல ஹோட்டல்களில் இரவு உணவுகள் ஆகியவை அடங்கும்.
புத்தாண்டு ஈவ் ஏற்பாட்டுக் குழு ரஸ் அல் கைமா சுற்றுலா மேம்பாட்டு ஆணையத்தால் வழிநடத்தப்படுகிறது.