ஷார்ஜாவில் உள்ள ஒரு குடியிருப்பு கட்டிடத்தில் போதைப்பொருள் பயிரிடப்பட்டதை பொது வழக்கு விசாரணை செய்கிறது. கடத்தல் நோக்கத்திற்காக போதைப்பொருள் செடிகளை பயிரிட்ட குற்றச்சாட்டின் பேரில், ஷார்ஜா ஜெனரல் பிராசிகியூஷன், ஆசிய நாட்டவர்டம் விசாரணையைத் தொடங்கியுள்ளது.
பொது வழக்கு விசாரணை தனது அதிகாரப்பூர்வ இன்ஸ்டாகிராம் கணக்கின் மூலம், குடியிருப்பு கட்டிடம் ஒன்றில் சமுதாய பொறுப்பான நபரின் புகாருடன் இந்த சம்பவம் தொடங்கியது என்று தெளிவுபடுத்தியது, கட்டிடத்தில் ஏர் கண்டிஷனிங் பராமரிப்பு பணியை மேற்கொண்டபோது, அவர் போதைப்பொருளை ஒத்த செடிகள், தாவரங்களை கவனித்ததாகவும் அதனால் போலீசுக்கு தகவல் கொடுத்ததாகவும் கூறினார்.
நடைமுறைகளை சட்டப்பூர்வமாக்கிய பின்னர் அறிக்கையில் குறிப்பிடப்பட்டுள்ள அடுக்குமாடி குடியிருப்புக்கு போலீசார் சென்றபோது, போதைப்பொருள் என சந்தேகிக்கப்படும் 6 செடிகள் (narcotic plants) அடங்கிய, செடிகளை பாதுகாக்க வடிவமைக்கப்பட்ட அனைத்து வசதிகளுடன் கூடிய நாற்றங்கால் கூடாரம் இருப்பது தெரியவந்தது.
போதைப்பொருள் பாவனைக்கு பயன்படுத்தப்படும் பொருட்கள் மற்றும் கருவிகள் கைப்பற்றப்பட்டதாகவும், சந்தேக நபர்கள் கடத்தல் நோக்கத்திற்காக போதைப்பொருள் பயிரிடுவதற்காக அடுக்குமாடி குடியிருப்பை தயார் செய்துள்ளதாகவும் நடத்தப்பட்ட விசாரணைகளில் குறிப்பிடப்பட்டுள்ளது. தொடர்ந்து விசாரணை நடைபெற்று வருவது உறுதி செய்யப்பட்டது.
போதைப்பொருள் செடிகளை வளர்ப்பது சட்டப்படி தண்டனைக்குரிய குற்றமாகும். 2021 ஆம் ஆண்டின் கூட்டாட்சியின் ஆணை-சட்ட எண். 30-இன்படி போதைப்பொருள் மற்றும் மனோவியல் பொருட்களை எதிர்த்துப் போராடுவதற்கான தண்டனை மரண தண்டனை வரை இருக்கலாம் என்று குறிப்பிடப்பட்டுள்ளது.