Qatar (தோஹா): ∙
பல்வேறு உள்ளூர் தயாரிப்புகளுடன் ‘மேட் இன் கத்தார்’ கண்காட்சி தோஹா கண்காட்சி மற்றும் மாநாட்டு மையத்தில் துவங்கியது.
வர்த்தகம் மற்றும் தொழில்துறை அமைச்சர் ஷேக் முகமது பின் ஹமத் பின் காசிம் அல் அப்துல்லா அல் தானி இந்த கண்காட்சியை தொடங்கி வைத்தார். மேட் இன் கத்தாரை வர்த்தகம் மற்றும் தொழில்துறை அமைச்சகத்துடன் இணைந்து கத்தார் சேம்பர் ஏற்பாடு செய்துள்ளது.
பெட்ரோ கெமிக்கல்ஸ், பர்னிச்சர், உணவுப் பொருட்கள், சிறு மற்றும் நடுத்தர தொழில் நிறுவனங்கள், சேவைகள் மற்றும் இதர துறைகளைச் சேர்ந்த 450 நிறுவனங்கள் மற்றும் தொழிற்சாலைகள் இதில் பங்கேற்கின்றன. இந்தத் துறைகளில் பல்வேறு தயாரிப்புகள், புதுமையான தொழில்நுட்பங்கள், உபகரணங்கள் மற்றும் சேவைகள் காட்சிப்படுத்தப்பட்டுள்ளன.
இந்த கண்காட்சி முதலீட்டாளர்கள் மற்றும் வெளிநாட்டு பங்காளிகளுக்கான இருதரப்பு சந்திப்புகளுக்கான தளமாகவும் உள்ளது. இது புதிய கூட்டாண்மை மற்றும் ஒப்பந்தங்களுக்கான வாய்ப்பாகும். கண்காட்சியில் பங்கேற்கும் தொழிற்சாலைகள் மற்றும் நிறுவனங்கள், உள்நாட்டில் உற்பத்தி செய்யப்படும் பொருட்களை சந்தையில் சந்தைப்படுத்துவதை ஊக்குவிப்பதன் மூலம், தன்னிறைவை அடைவதற்கும், இறக்குமதி செய்யப்படும் பொருட்களை சார்ந்திருப்பதை குறைப்பதற்கும் உழைத்து வருகின்றன. இந்த கண்காட்சி நாளை நிறைவடைகிறது