அபுதாபி நகராட்சி, அபுதாபி காவல்துறையின் போக்குவரத்து மற்றும் ரோந்து சேவைகளுடன் இணைந்து, இங்குள்ள விமான நிலையத்திற்கு செல்லும் போக்குவரத்து வழிகாட்டி பலகைகளை மாற்றும் பணியை துவக்கியது.
“அபுதாபி சர்வதேச விமான நிலையம்” என்பதை “சயீத் சர்வதேச விமான நிலையம்” என சமீபத்தில் மறுபெயரிடப்பட்டதை புதிய சாலை அடையாளங்கள் பிரதிபலிக்கின்றன.
ஐக்கிய அரபு அமீரகத்தின் (UAE) நிறுவனர் சயீத் பின் சுல்தான் அல் நஹ்யானின் நினைவாக, அபுதாபி சர்வதேச விமான நிலையம் (AUH) அதிகாரப்பூர்வமாக சயீத் சர்வதேச விமான நிலையம் என மறுபெயரிடப்படும்.
புதிய பெயர் பிப்ரவரி 9, 2024 அன்று, விமான நிலையத்தின் புதிய டெர்மினல் ஏ அதிகாரப்பூர்வமாக திறக்கப்படுவதை ஒட்டி, நடைமுறைக்கு வரும்.
ஐக்கிய அரபு எமிரேட்ஸின் ஜனாதிபதியான ஷேக் முகமது பின் சயீத் அல் நஹ்யான் தனது தந்தையின் நினைவாக இந்த பெயர் மாற்றம் செய்துள்ளார்.
சயீத் பின் சுல்தான் அல் நஹ்யான் ஐக்கிய அரபு எமிரேட்ஸின் நிறுவனர் மற்றும் அதன் முதல் ஜனாதிபதி ஆவார், அவர் 1971 முதல் 2004 -ல் இறக்கும் வரை பணியாற்றினார்.
டெர்மினல் Aன் அதிகாரப்பூர்வ திறப்பு பிப்ரவரி வரை நடைபெறாது என்றாலும், முனையத்தில் இருந்து முதல் வணிக விமானம் அக்டோபர் 31, 2023 அன்று புறப்பட்டது, ஏர்பஸ் A350-1000, ஐக்கிய அரபு எமிரேட்ஸின் தேசிய விமான நிறுவனமான எதிஹாட் ஏர்வேஸால் இயக்கப்பட்டு, புது தில்லி நோக்கிச் சென்றது