ரியாத்: சவுதி அரேபியாவின் உதவி நிறுவனம் KSrelief, சாட், சூடான் மற்றும் ஏமன் ஆகிய நாடுகளில் கடந்த சில நாட்களாக இடம்பெயர்ந்த குடும்பங்களுக்கு ஆதரவை வழங்கியதாக தெரிவித்துள்ளது. மூன்று நாடுகளில் 19,668 பேருக்கு 2,032 உணவு கூடைகள் மற்றும் 1,175 தங்குமிட கிட்களை விநியோகித்ததாக நிறுவனம் கூறியது.
சாட் நாட்டில் KSrelief-ன் உணவுப் பாதுகாப்புத் திட்டத்தின் ஒரு பகுதியாக, 8,400 நபர்களுக்கு 1,400 உணவுக் கூடைகள் வழங்கப்பட்டன.
ஏமனில், ஏடன் கவர்னரேட்டின் ஷேக் ஓத்மான் மாவட்டத்தில் 4,424 நபர்களுக்கு 632 உணவு கூடைகள் விநியோகிக்கப்பட்டன.
சூடானில், நைல் நதி மாநிலத்தில் 1,927 நபர்களுக்கு 320 உணவு கூடைகள் உட்பட பல இடங்களில் தங்குமிட கருவிகள் வழங்கப்பட்டன; வட மாநிலத்தில் 2,617 பேருக்கு 455 உணவு கூடைகள் மற்றும் கார்டூம் மாநிலத்தில் 2,300 நபர்களுக்கு 400 உணவு கூடைகள் வியோகிக்கப்பட்டது.
“இந்த முன்முயற்சியானது சூடானிய மக்களுக்கு அவர்களின் தற்போதைய மனிதாபிமான நெருக்கடியின் போது உதவுவதற்காக KSrelief மூலம் சவுதி அரேபியா ராஜ்யம் செயல்படுத்திய தொடர்ச்சியான நிவாரண மற்றும் மனிதாபிமான திட்டங்களின் ஒரு பகுதியாகும்” என்று சவுதி செய்தி நிறுவனம் தெரிவித்துள்ளது.
KSrelief-ன் திட்டங்கள் உணவு பாதுகாப்பு, சுகாதாரம், தங்குமிடம், ஊட்டச்சத்து, கல்வி, தொலைத்தொடர்பு மற்றும் தளவாடங்கள் ஆகியவற்றை உள்ளடக்கியது.