Rainy Weather: ஐக்கிய அரபு எமிரேட்ஸின் சில பகுதிகளில் அதிகாலையில் மழை பெய்ததைத் தொடர்ந்து, மேகமூட்டமான வானம் மற்றும் மழையுடன் இன்றைய நாள் துவங்கியது. நேற்று இரவும் மற்றும் இன்று காலையும் மழை பெய்யும் என தேசிய வானிலை ஆய்வு மையம் கணித்திருந்தது குறிப்பிடத்தக்கது.
துபாயின் சில பகுதிகளிலும், ஷார்ஜாவின் சில பகுதிகளிலும் கனமழை பெய்தது. மேலும் நாட்டின் பிற பகுதிகள் தொடர்ந்து மழை, இடியுடன் கூடிய மழை பெய்தது.
மழை காரணமாக தேசிய வானிலை மையம் (NCM) நாட்டின் சில பகுதிகளில் ஆரஞ்சு மற்றும் மஞ்சள் எச்சரிக்கைகளை வெளியிட்டுள்ளது.
குறிப்பாக நாட்டின் வடக்கு மற்றும் கிழக்குப் பகுதிகளுக்குச் செல்லும் போது, நிலையற்ற வானிலை குறித்து கவனமாக இருக்க வேண்டும். திடீர் வெள்ளம் மற்றும் குவிந்த மழைக்கு வாய்ப்புள்ள பகுதிகளிலிருந்து மக்கள் விலகி இருக்குமாறு NCM அறிவுறுத்தியுள்ளது.
மழையுடன் கூடிய காலநிலை காரணமாக வாகன ஓட்டிகள் எச்சரிக்கையுடன் இருக்குமாறும், மின்னணு தகவல் பலகைகளில் காட்டப்பட்டுள்ள வேக வரம்புகளை மாற்றியமைக்குமாறும் அபுதாபி காவல்துறை வாகன ஓட்டிகளுக்கு அழைப்பு விடுத்துள்ளது.