இஸ்ரேலுக்கு எதிரான ஈரானின் தாக்குதலால் சில விமானங்கள் ரத்து செய்யப்பட்டு, வழிமாற்றம் செய்யப்பட்டு, மாற்றியமைக்கப்பட்ட பின்னர், ஐக்கிய அரபு எமிரேட்ஸ் விமான நிறுவனங்களின் திட்டமிடப்பட்ட செயல்பாடுகள் இயல்பு நிலைக்குத் திரும்பியுள்ளன .
துபாயை தளமாகக் கொண்ட எமிரேட்ஸ் மற்றும் ஃப்ளைடுபாய், அபுதாபியை தலைமையிடமாகக் கொண்ட எதிஹாட் ஏர்வேஸ் மற்றும் பிற முக்கிய உலகளாவிய கேரியர்களின் விமானங்கள் ஈரான், இஸ்ரேல் மற்றும் ஜோர்டான் தாக்குதலின் காரணமாக வான்வெளியை மூடியதால் பாதிக்கப்பட்டன. குவாண்டாஸ், லுஃப்தான்சா, யுனைடெட் ஏர்லைன்ஸ் மற்றும் ஏர் இந்தியா உள்ளிட்ட சுமார் ஒரு டஜன் விமான நிறுவனங்கள் கடந்த இரண்டு நாட்களில் விமானங்களை ரத்து செய்ய அல்லது வழிமாற்றம் செய்ய வேண்டியிருந்தது.
சிரியாவில் உள்ள ஈரானிய தூதரகத்தை இஸ்ரேல் குண்டுவீசி பல ஈரானிய பிரஜைகளை கொன்றதை அடுத்து ஈரான் இஸ்ரேலை 300க்கும் மேற்பட்ட ஏவுகணைகள் மற்றும் ட்ரோன்கள் மூலம் தாக்கியது. ஆனால் பிராந்திய நாடுகளால் வான்வெளி மீண்டும் திறக்கப்பட்டுள்ளது. இதனால் விமான நிறுவனங்கள் தங்கள் திட்டமிடப்பட்ட செயல்பாடுகளை மீண்டும் தொடங்கியது.
பயணிகள் தங்கள் விமானங்கள் தொடர்பான சமீபத்திய தகவல்களுக்கு flydubai.com -ல் விமான நிலையை சரிபார்க்க அறிவுறுத்தப்படுகிறார்கள்.
துபாய் மற்றும் அபுதாபியில் இருந்து டெல் அவிவ், அம்மான், ஈராக் மற்றும் ஈரான் செல்லும் விமானங்கள் இரண்டு நாட்கள் பாதிக்கப்பட்டன.
ஐக்கிய அரபு அமீரக ஏர்லைன்ஸ், பிராந்தியத்தின் முன்னேற்றங்களை தொடர்ந்து கண்காணித்து வருவதாகவும், பயணிகளின் பாதுகாப்பிற்கு முன்னுரிமை அளிப்பதாகவும் கூறியுள்ளது.
Etihad Airways விமானங்கள் அங்கீகரிக்கப்பட்ட வான்வெளி வழியாக மட்டுமே இயக்கப்படுகின்றன.
சனி மற்றும் ஞாயிற்றுக்கிழமைகளில் வான்வெளி தற்காலிகமாக மூடப்பட்டதால் துபாயின் முதன்மை கேரியர் எமிரேட்ஸ் சில விமானங்களை ரத்து செய்தது மற்றும் சில விமானங்களை திருப்பி அனுப்பியது குறிப்பிடத்தக்கது.