துபாய் ரீஃப், உலகின் மிகப் பெரிய கடல் பாதுகாப்பு முன் முயற்சி என்று அழைக்கப்படுகிறது, இதனை துபாய் பட்டத்து இளவரசர் மற்றும் அமெரிக்க முதலீட்டாளர் ரே டாலியோ இன்று திறந்து வைத்தார்.
துபாய் கேனின் முன் முயற்சி மூலம் துபாய் ரீஃப் 600 சதுர கி.மீ க்கு மேல் பரவியுள்ளது, இது 85,000 க்கும் மேற்பட்ட கால்பந்து மைதானங்களுக்கு சமமானதாகும்.
இந்த திட்டம் “நிலைத் தன்மைக்கான துபாயின் அர்ப்பணிப்புக்கு ஒரு சான்றாகும், மேலும் இது உலகளாவிய சுற்றுச்சூழல் திட்டங்களுக்கான வரைபடமாக செயல்படுகிறது” என்று ஷேக் ஹம்தான் கூறினார்.
மாறிவரும் கடல் கால நிலை மற்றும் கடல் சுற்றுச் சூழல் அமைப்பில் அதன் விளைவுகள் பற்றிய விழிப்புணர்வை ஏற்படுத்துவதில் டாலியோ தீவிரமாக ஈடுபட்டுள்ளார். சமீபத்திய ஆண்டுகளில், அவர் டைட்டானிக் இயக்குனர் ஜேம்ஸ் கேமரூனுடன் இணைந்து OceanX என்ற திட்டத்தை தொடங்கினார், இது கடல் ஆராய்ச்சியை வசீகரிக்கும் ஊடகங்கள் மூலம் உலகிற்கு மீண்டும் கொண்டு வர ஆதரிக்கும்.
துபாய் ரீஃப் முன் முயற்சியானது 20,000 க்கும் மேற்பட்ட செயற்கை ரீஃப் தொகுதிகளை செயல்படுத்துவதன் மூலம் “400,000 கன மீட்டருக்கும் அதிகமான திட்டுகளை” உருவாக்கும். துபாய் ரீஃப் 2024 முதல் 2027 வரை நான்கு கட்டங்களாக நடத்தப்படும்.
இது கடல் பல்லுயிர், நமது கிரகத்தின் ஆரோக்கியம் மற்றும் பொருளாதார செழுமைக்கான பல நன்மைகளை உறுதியளிக்கிறது” என்று ஷேக் ஹம்தான் மேலும் கூறினார்.