பாரீஸ் விளையாட்டுப் போட்டிகளில் நேற்று ஆடவருக்கான ஈட்டி எறிதலில் பாகிஸ்தானின் அர்ஷத் நதீம் தங்கம் வென்று, நடப்பு சாம்பியனான இந்தியாவின் நீரஜ் சோப்ராவை வீழ்த்தி, தடகளத்தில் பாகிஸ்தானுக்கு முதல் ஒலிம்பிக் பதக்கத்தை தட்டிச் சென்றார். நதீம் தனது இரண்டாவது எறிதலில் அசத்தலான 92.97 மீட்டர்களுடன் ஒலிம்பிக் சாதனையை முறியடித்த பின்னர் தனது கைகளை உயர்த்தி கொண்டாட்டத்தில் ஈடுபட்டார்.
குத்துச்சண்டை, டேக்வாண்டோ, மல்யுத்தம் மற்றும் டிராக் சைக்கிளிங் ஆகியவற்றிலும் இறுதிப் போட்டிகள் நடத்தப்பட்ட அதேவேளை, தடகளம் மற்றும் படகோட்டம் ஆகியவற்றிலும் பதக்கங்கள் வழங்கப்பட்டன.
தடகளப் போட்டியின் ஆடவர் ஈட்டி எறிதல் இறுதிப் போட்டியில் பங்கேற்று இரண்டாவது இடத்தைப் பிடித்த இந்தியாவின் நீரஜ் சோப்ரா கொண்டாடினார்.
இதற்கிடையில், ஆடவருக்கான 110 மீட்டர் தடை தாண்டுதல் போட்டியில் வெள்ளிப் பதக்கம் வென்ற அமெரிக்காவின் டேனியல் ராபர்ட்ஸ் மற்றும் வெண்கலப் பதக்கம் வென்ற ஜமைக்காவின் ரஷீத் பிராட்பெல் ஆகியோரை விட அமெரிக்காவின் கிராண்ட் ஹோலோவே தங்கம் வென்றார்.
ஆடவர் கேனோ 500 மீட்டர் இரட்டையர் இறுதிப் போட்டியில் சீனாவின் ஹாவ் லியு மற்றும் போவென் ஜி தங்கம் வென்றனர்.
பெண்களுக்கான நீளம் தாண்டுதலின் இறுதிப் போட்டியில் அமெரிக்காவின் தாரா டேவிஸ்-வுட்ஹால் தங்கம் வென்றார்.
கலப்பு படகோட்டம் பதக்கப் பந்தயத்தில் ஆஸ்திரியாவின் லாரா வட்லாவ் மற்றும் லூகாஸ் மேர் ஆகியோர் தங்கம் வென்றனர்.
ஆடவருக்கான 73 கிலோ பளுதூக்குதல் போட்டியில் இந்தோனேஷியாவின் ரிஸ்கி ஜூனியன்ஸ்யா தங்கம் வென்று அசத்தினார்.
