Al Ain:
அல் ஐனில் கவனக்குறைவாக வாகனம் ஓட்டியதற்காக மூன்று பேருக்கு தலா 50,000 திர்ஹம் அபராதம் விதிக்கப்பட்டுள்ளது மற்றும் சாலைகளை கழுவுதல் போன்ற சமூக சேவைகளை செய்ய உத்தரவு பிறப்பிக்கப்பட்டுள்ளது.
அலட்சியமாக வாகனம் ஓட்டுதல், சாலையைப் பயன்படுத்துபவர்களின் உயிருக்கு ஆபத்து ஏற்படுத்துதல், பொதுச் சாலையில் ஆபத்தான முறையில் காட்சிப்படுத்துதல், பொதுச் சொத்துக்களுக்கு வேண்டுமென்றே சேதம் விளைவித்தல், வாகனம் ஓட்டுதல் ஆகிய குற்றங்களில் மூவரும் அல் ஐன் போக்குவரத்து குற்றவியல் நீதிமன்றத்தால் குற்றவாளிகள் என அபுதாபி நீதித்துறை தெரிவித்துள்ளது.
மேலும் அவர்களது ஓட்டுநர் உரிமத்தை 3 மாதங்களுக்கு ரத்து செய்து, வாகனங்களை பறிமுதல் செய்யவும் நீதிமன்றம் உத்தரவிட்டுள்ளது.
குற்றம் சாட்டப்பட்டவர்கள் பொறுப்பற்ற முறையில் வாகனம் ஓட்டிய வீடியோ காட்சிகள் சமூக வலைதளங்களில் வைரலாக பரவியபோது இந்த சம்பவம் பற்றிய விவரங்கள் வெளிச்சத்துக்கு வந்தது. இதன் விளைவாக, நிறுவப்பட்ட சட்ட நெறிமுறைகளுக்கு இணங்க ஓட்டுநர்கள் கைது செய்யப்பட்டனர்.
பின்னர் நீதிமன்றத்தில் விசாரணை நடந்ததது. அனைத்து ஆதாரங்களும் நிரூபிக்கப்பட்டவுடன், அவர்கள் மீது சுமத்தப்பட்ட குற்றச்சாட்டுகளில் குற்றவாளிகள் என நீதிமன்றம் தீர்ப்பளித்தது.