சுற்றுலா நுழைவு அனுமதிகளை பணி விசாவாக மாற்றுவதை நிறுத்தி வைத்துள்ள ஓமன்!

வளைகுடா நாடு இனி சுற்றுலா விசாக்களை பணி விசாவாக மாற்றாது என்று ராயல் ஓமன் காவல்துறை அறிவித்துள்ளது.

அறிவிப்புக்கு முன், பயணிகள் டூரிஸ்ட் அல்லது விசிட் விசாவில் நாட்டிற்குள் நுழைந்து, பின்னர் அதை வேலை விசாவாக மாற்றிக்கொள்ளலாம். புதிய முடிவு அக்டோபர் 31 செவ்வாய்க்கிழமை முதல் அமலுக்கு வந்துள்ளது. மேலும், பங்களாதேஷுக்கு புதிய விசா வழங்குவது தற்காலிகமாக நிறுத்தப்பட்டுள்ளதாகவும் ஆணையம் அறிவித்துள்ளது.

ஒருங்கிணைந்த GCC விசா
வளைகுடா ஒத்துழைப்பு கவுன்சில் நாடுகளுக்கான ஒருங்கிணைந்த சுற்றுலா விசா அனுமதிக்கப்பட்டுள்ளது மற்றும் அடுத்த ஆண்டு தொடக்கத்தில் வெளியிடப்படும் என்று ஐக்கிய அரபு எமிரேட்ஸ் அமைச்சர் கடந்த மாதம் தெரிவித்தார்.

இதன் அர்த்தம், ஒரே விசா மூலம், சுற்றுலாப் பயணிகள் ஆறு உறுப்பினர்களைக் கொண்ட வளைகுடா நாடுகளான ஐக்கிய அரபு எமிரேட்ஸ், சவுதி அரேபியா, பஹ்ரைன், கத்தார், ஓமன் மற்றும் குவைத் ஆகிய நாடுகளுக்குச் செல்லலாம்.