சவுதி அரேபியாவின் பெரும்பாலான பகுதிகளில் இந்த வாரம் இடியுடன் கூடிய மழை பெய்யும் என்று எதிர்பார்க்கப்படுகிறது, மேற்கு மற்றும் தெற்கு பகுதிகளில் அதிக மழை பெய்யும் என்று அதிகாரிகள் எச்சரித்துள்ளனர். மாகாணத் தலைநகரான அபாவிற்கு அருகிலுள்ள ஒரு பகுதியில் ஆலங்கட்டி மழை பெய்தது. திங்கள்கிழமை காலை ஆசிர் மாகாணத்தில் உள்ள அல் நமாஸ் நகரில் பலத்த மழை பெய்தது.
தபூக், மதீனா, ரியாத், காசிம் மற்றும் கிழக்கு மாகாணங்களில் மேக மூட்டம் அதிகமாக இருக்கும் என்றும், நஜ்ரான், ஜிசான், மக்கா மற்றும் அல் பஹா ஆகிய இடங்களில் கனமழை பெய்யும் என்றும் தேசிய வானிலை ஆய்வு மையம் கணித்துள்ளது.
தென்மேற்கு நகரமான அல் பஹாவில் திங்களன்று வெப்பநிலை 26ºC ஆகக் குறைந்தது. சனிக்கிழமையன்று ஜிசானில் உள்ள லஜ்ப் பள்ளத்தாக்கில் பலத்த மழை பெய்ததாக அதிகாரிகள் தெரிவித்தனர். சுற்றுலா பயணிகள் கொட்டும் மழையின் வீடியோக்களை சமூக வலைதளங்களில் பதிவேற்றம் செய்தனர்.
வெப்பநிலை 51ºC ஆக உயர்ந்த பிறகு அடுத்த இரண்டு வாரங்களில் குறையத் தொடங்கும் என்று தேசிய வானிலை ஆய்வு மையம் தெரிவித்துள்ளது. இன்று நாட்டின் வெப்பமான இடம் கிழக்கு மாகாணத்தில் உள்ள ஹஃபர் அல் பாட்டின் ஆகும்.