லிபியாவில் பெய்த கனமழையின் விளைவாக ஏற்பட்ட வெள்ளத்தின் விளைவுவாக டஜன் கணக்கான உயிர்களைக் கொன்றது மற்றும் பலர் காயமடைந்தனர். இந்நிலையில் வெள்ள பாதிப்புகளை நிவர்த்தி செய்ய ஐக்கிய அரபு எமிரேட்ஸ் தேடல் மற்றும் மீட்புக் குழுவை லிபியாவிற்கு அனுப்பியது. இந்த மீட்பு குழு லிபியாவில் உள்ள பெங்காசி விமான நிலையத்திற்கு இன்று வந்தது.
லிபியாவிற்கு அவசர நிவாரண உதவிகள் மற்றும் தேடல் மற்றும் மீட்புக் குழுக்களை அனுப்ப ஐக்கிய அரபு எமிரேட்ஸ் அதிபர் ஹிஸ் ஹைனஸ் ஷேக் முகமது பின் சயீத் அல் நஹ்யான் அவர்களின் உத்தரவுகளை அமல்படுத்தும் வகையில் இந்த முயற்சி எடுக்கப்பட்டுள்ளது.
ஐக்கிய அரபு எமிரேட்ஸின் தேடல் மற்றும் மீட்புக் குழு அதன் வருகையை அடுத்து உடனடியாக நடவடிக்கையில் இறங்கியுள்ளது. குழுவில் 34 நபர்கள் உள்ளனர், அதன் பணிகளைச் செய்ய தேவையான இயந்திரங்கள் மற்றும் உபகரணங்களுடன் பொருத்தப்பட்டுள்ளனர்.
34 உறுப்பினர்களைக் கொண்ட குழுவானது “ஹெவி” பிரிவில் வகைப்படுத்தப்பட்டுள்ளது. இது ஐக்கிய நாடுகளின் சர்வதேச தேடல் மற்றும் மீட்பு ஆலோசனைக் குழுவால் (INSARAG) அங்கீகரிக்கப்பட்ட சர்வதேச உரிமமாகும். இது குழுவை பிராந்திய மற்றும் சர்வதேச அளவில் தேடல் மற்றும் மீட்பு நடவடிக்கைகளை மேற்கொள்ள அனுமதிக்கிறது.