ஏமன் எல்லையில் குடியேறிய நூற்றுக்கணக்கான எத்தியோப்பியர்களை சவுதி எல்லைப் படைகள் கொன்றதாக மனித உரிமைகள் கண்காணிப்பகம் கூறிய குற்றச்சாட்டை சவுதி அரேபியா நிராகரித்துள்ளது.
“சவுதி-ஏமன் எல்லையை கடக்கும்போது எத்தியோப்பியர்களை சவுதி எல்லைக் காவலர்கள் சுட்டுக் கொன்றது பற்றிய மனித உரிமைகள் கண்காணிப்பு அறிக்கையில் சேர்க்கப்பட்டுள்ள குற்றச்சாட்டுகள் ஆதாரமற்றவை மற்றும் நம்பகமான ஆதாரங்களின் அடிப்படையில் இல்லை” என்று சவுதி அரசாங்க வட்டாரம் தெரிவித்துள்ளது.
கடந்த ஆண்டு எல்லைப் பாதுகாப்புப் படையினர் குடியேற்றவாசிகளை திட்டமிட்டு கொன்றதாக 2022 இல் ஐ.நா அதிகாரிகள் கூறிய குற்றச்சாட்டுகளையும் சவுதி அதிகாரிகள் கடுமையாக மறுத்துள்ளனர்.
ஏமனில் இருந்து நாட்டிற்குள் நுழைய முயன்ற எத்தியோப்பியாவைச் சேர்ந்த புலம்பெயர்ந்தோரை, சவுதி எல்லைக் காவலர்கள் கடுமையாகச் சுட்டதாகவும், வெடிமருந்துகளைப் பயன்படுத்தியதாகவும் அதன் அறிக்கையில் மனித உரிமைகள் கண்காணிப்பகம் குற்றம் சாட்டியுள்ளது.