மழைக்காலத்தில் அல் ருவையாவில் அபாயகரமான ஸ்டண்ட் செய்து குழப்பத்தை ஏற்படுத்திய ஓட்டுநர்கள் பிடிபட்டதை அடுத்து துபாய் காவல்துறை 19 கார்கள் மற்றும் ஐந்து மோட்டார் சைக்கிள்களை பறிமுதல் செய்துள்ளது.
சனிக்கிழமையன்று அதிகாரிகளால் பகிரப்பட்ட அதிர்ச்சியூட்டும் வீடியோவில், எமிரேட்டில் மழை நேரத்தில், மாற்றியமைக்கப்பட்ட வாகனங்கள் சில ஒளிரும் நியான் விளக்குகளுடன் அணிவகுத்துச் செல்வதைக் காண முடிந்தது. சில பயணிகள் பிக்கப் டிரக்குகளில் நின்றுகொண்டிருந்தனர். மேலும், வேகமாகச் செல்லும் கார்களின் ஜன்னல்களில் வழியே தலையை நீட்டி கொண்டிருந்ததாக அந்த வீடியோவில் காணப்பட்டது.
போக்குவரத்து விதிகளை பின்பற்றுவது குறித்து, குறிப்பாக நிலையற்ற காலநிலையில், பலமுறை போலீசார் எச்சரித்த போதிலும் சில வாகன ஓட்டிகள் பொறுப்பற்ற முறையில் நடந்து கொள்கின்றனர் என்று துபாய் காவல்துறை போக்குவரத்து பொதுத் துறையின் இயக்குனர் மேஜர் ஜெனரல் சைஃப் முஹைர் அல் மஸ்ரூய் கூறினார். .
ஐக்கிய அரபு எமிரேட்ஸில் இதுபோன்ற பொறுப்பற்ற ஸ்டண்ட்களை நிகழ்த்துவது கடுமையான போக்குவரத்து விதிமீறலாகும். துபாயில், ஆபத்தான நடத்தை காரணமாக கார்களை பறிமுதல் செய்த ஓட்டுநர்களுக்கு 50,000 திர்ஹம் வரை அபராதம் விதிக்கப்பட்டுள்ளது.
மேஜர் ஜெனரல் அல் மஸ்ருயின் கூற்றுப்படி, ஸ்டண்ட் செய்த வாகன ஓட்டிகளுக்கு எதிராக பல அபராதங்கள் விதிக்கப்பட்டது. சண்டைக்காட்சிகளில் ஈடுபடுவது, பொறுப்பற்ற வாகனம் ஓட்டுதல், அதிக சத்தத்தை ஏற்படுத்துதல் மற்றும் ஒரு நகரும் காரில் இருந்து தலைகளை வெளியே நீட்டுதல் ஆகியவை அபாரதத்தில் அடங்கும்