வளைகுடா ஒத்துழைப்பு கவுன்சில் உறுப்பு நாடுகளின் வெளியுறவு அமைச்சர்கள் கூட்டத்தில் அடுத்த மாதம் ஜப்பான் பங்கேற்கிறது. சவூதி அரேபியாவில் இந்த கூட்டம் “செப்டம்பர் முதல் வாரத்தில் நடைபெறும் என்று எதிர்பார்க்கப்படுகிறது”.
டோக்கியோ மத்திய கிழக்கிலிருந்து நிலையான எரிசக்தி விநியோகத்தை உறுதி செய்வதற்காக எண்ணெய் உற்பத்தி செய்யும் நாடுகளுடன் அதன் உறவுகளை வலுப்படுத்துவதை நோக்கமாகக் கொண்டுள்ளது. ஜப்பானிய வெளியுறவு அமைச்சர் ஹயாஷி யோஷிமாசா இந்த சந்திப்பில் கலந்து கொள்வார் என்றும், எகிப்து மற்றும் ஜோர்டான் ஆகிய நாடுகளுக்கும் செல்லலாம் என்றும் ஊடக வட்டாரங்கள் தெரிவித்தன.
GCC என்பது வளைகுடா பிராந்தியத்தில் உள்ள சவுதி அரேபியா, ஐக்கிய அரபு எமிரேட்ஸ், கத்தார், குவைத், ஓமன் மற்றும் பஹ்ரைன் ஆகிய ஆறு நாடுகளின் ஒன்றியமாகும்.
வெளியுறவு அமைச்சர்கள் ஒரு தடையற்ற வர்த்தக ஒப்பந்தம் மற்றும் அடுத்த தலைமுறை எரிசக்தி ஆதாரங்களில் தொழில்நுட்ப ஒத்துழைப்பு பற்றி விவாதிப்பார்கள் என்று எதிர்பார்க்கப்படுகிறது. ஜப்பான் எண்ணெய் மற்றும் திரவமாக்கப்பட்ட இயற்கை எரிவாயு இறக்குமதியை அதிகம் சார்ந்திருப்பதால், அதன் எரிசக்தி பாதுகாப்பை மேம்படுத்த விரும்புகிறது. ஜப்பான் கச்சா எண்ணெயில் 90 சதவீதத்திற்கும் மேலாக மத்திய கிழக்கை நம்பியுள்ளது.
