தெஹ்ரான்
வடக்கு ஈரானில் உள்ள நிலக்கரி சுரங்கத்தில் ஏற்பட்ட வெடிவிபத்தில் 6 தொழிலாளர்கள் உயிரிழந்துள்ளதாக அந்நாட்டு ஊடகங்கள் செய்தி வெளியிட்டுள்ளன.
வடக்கு நகரமான டம்கானில் 400 மீட்டர் (440 கெஜம்) ஆழத்தில் உள்ள சுரங்கப்பாதையில் இந்த வெடிப்பு நிகழ்ந்ததாக அதிகாரப்பூர்வ ஐஆர்என்ஏ(IRNA) செய்தி நிறுவனம் தெரிவித்துள்ளது. வெடிப்புக்கான காரணம் என்ன என்பது உடனடியாகத் தெரியவில்லை.
ஞாயிற்றுக்கிழமை தாம்கானில் நிலக்கரிச் சுரங்கம் வெடித்தபோது ஆறு சுரங்கத் தொழிலாளர்கள் நிலத்தடியில் சிக்கிக்கொண்டனர். சுரங்கத் தொழிலாளர்களை மீட்பதற்கான முயற்சிகள் பலனளிக்கவில்லை, ஆனால் உடல்கள் திங்கள்கிழமை காலை மீட்கப்பட்டன. இடிபாடுகளுக்கு அடியில் இருந்த தங்கள் சக ஊழியர்களின் உடல்களின் எச்சங்களை மீட்க அந்த இடத்தில் உள்ள மற்ற தொழிலாளர்கள் முயற்சி எடுத்தனர் என்று ஐஆர்என்ஏ(IRNA) தெரிவித்துள்ளது.
